Mji wa Magufuli, ulioko takriban kilomita 17 mashariki, katikati mwa jiji la Dodoma, ni mradi kabambe wa taifa la Tanzania wa kuweka shughuli zake za serikali pamoja
Mji huo uliopewa jina la Rais wa zamani awamu ya tano Hayati John Magufuli, lina ukubwa wa hekta 617 na limeundwa kwa ajili ya kuhifadhi wizara zote za serikali, ofisi za kidiplomasia, mahakama na kazi nyingine muhimu za kiutawala.
Ukuzaji wa Mji wa Magufuli ni hatua ya kimkakati ya kuimarisha ufanisi wa kiserikali kwa kuunganisha shughuli zote za kiserikali katika kituo kimoja cha kisasa. Mji umegawanywa katika kanda tofauti, ikijumuisha maeneo yaliyotengwa kwa ajili ya wizara za serikali, misheni ya kidiplomasia, makazi ya kitaifa, huduma za kijamii, sekta za biashara, Bunge na mahakama. Kila jengo linazingatia muundo wa kipekee, na kujenga mazingira yenye tija kwa vizazi vijavyo huku Mkazo mkubwa ukiwa umewekwa kwenye miundombinu endelevu ndani ya Jiji hilo.Jiji limeundwa kutumia takribani lita za ujazo 3,016.7 za maji kwa siku na linaangazia mfumo wa kisasa wa maji machafu ambao husafisha na kuchakata maji, kuhakikisha utumzaji wa mazingira.
Mradi huo unaokadiriwa kugharimu dola bilioni 4.788 sawa na Tsh Trilioni 11.8 unatarajiwa kuleta manufaa mengi katika maeneo ya jirani, hususan kata za Mtumba na Ihumwa. Wakazi wa eneo hilo wanatarajia fursa za kiuchumi zinazotokana na kufurika kwa wafanyikazi wa serikali na wageni, ikijumuisha kuongezeka kwa mahitaji ya makazi, na huduma zingine. Kufikia Januari hii 2025, ujenzi wake unakaribia kukamilika, na majengo kadhaa tayari yanafanya kazi na mengine katika hatua za mwisho. Kuanzishwa kwa Jiji la Magufuli ni hatua muhimu katika juhudi za Tanzania za kuboresha kazi zake za utawala na kuakisi dhamira pana zaidi ya maendeleo endelevu ya miji.
